તો ચાલો નોંધી લો મગસ બનાવવાની આ સહેલી રીત..
સામગ્રી
250 ગ્રામ – ચણાનો કકરો લોટ
200 ગ્રામ – દળેલી ખાંડ
પિસ્તા અને બદામની કતરણ
અડધી ચમચી – એલચી
2 ચપટી – જાયફળ પાઉડર
4 ચમચી – દૂધ
200 ગ્રામ – ઘી
રીત
સૌથી પહેલાં એક પેનમાં 200 ગ્રામ ઘી લઈશું. ઘી ગરમ થાય એટલે તેમાં ચણાનો કકરો લોટ ઉમેરીશું. હવે 7 મિનિટ ધીમા ગેસ પર મગસને શેકો. સતત હલાવતા રહો. તેનો રંગ ચેન્જ થાય ત્યાં સુધી શેકો. હવે તેમાં દૂધ નાખીને સતત હલાવો. મગસ કણીદાર બનાવવા માટે દૂધ નાખવું જરૂરી છે. ધીમા તાપે 5 મિનિટ હલાવો. મગસ ફુલવા લાગશે. મિશ્રણમાંથી બધું મોઈશ્ચર ઉડી જાય એટલે ગેસ બંધ કરી દો અને ત્યારે પણ હલાવો. હવે તે એકદમ ઠંડુ થઈ જાય એટલે તેમાં દળેલી ખાંડ, એલચી પાઉડર, જાયફળ પાઉડર અને ડ્રાયફ્રુટ્સ નાખીને બધું હાથથી બરાબર મિક્સ કરી દો અને પછી તેને થાળીમાં પાથરી દો અથવા તેના લાડુ બનાવી દો. બસ તૈયાર છે તમારો મગસ.