અક્ષયકુમારનું કહેવું છે કે સાઉથની ફિલ્મ ઇન્ડસ્ટ્રી ખૂબ સિસ્ટમૅટિક કામ કરે છે. સાઉથ અને બૉલીવુડ વચ્ચે ઘણા સમયથી સરખામણી કરવામાં આવે છે. અક્ષયકુમાર હાલમાં તેની ‘બડે મિયાં છોટે મિયાં’ પ્રમોટ કરી રહ્યો છે. એ સંદર્ભે અક્ષયકુમાર કહે છે કે ‘તેઓ ફિલ્મના પ્રમોશન પાછળ બે કરોડ રૂપિયાથી વધુ ખર્ચ નથી કરતા અને રિયલિટી શોમાં પણ નથી જતા.
તેઓ વધુ પ્રેસ-કોન્ફરન્સ પણ નથી કરતા. જોકે આપણી જેમ તેઓ પણ બિગ બજેટ ફિલ્મોને દિવાળી અથવા તો પોંગલમાં રિલીઝ કરશે. તેઓ પણ તારીખો રિઝર્વ રાખે છે. આપણને એનાથી કોઈ ખતરો નથી, પરંતુ દર્શકોને પણ નવી-નવી ફિલ્મો જોવા મળે છે. આપણી ફિલ્મો પણ ત્યાં રિલીઝ થાય છે. તેઓ તો એવું નથી કહેતા કે તેમને માટે આપણી ફિલ્મ ખતરો છે.’